Plantun de Prouvènço

Pèr coumpara dos planto d'encò nostre

Myosotis arvensis & Phyteuma hemisphaericum

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico :

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 4 mm
Flourido : Printems - Estiéu

Sòu : Ca
Autour basso e auto : 0 à 1400 m
Aparado : Noun
Abriéu à setèmbre

Liò : Ermas - Prado - Tepiero sablouso - Bos clar
Estànci : Termoumediterran à Subaupen
Couroulougi : Éurasiatico
Ref. sc. : Myosotis arvensis (L.) Hill, 1764

Rapounchoun(-mita-redoun)

Phyteuma hemisphaericum

Campanulaceae

Nom en français : Raiponce hémisphérique.

Descripcioun :
Aquéu rapounchoun tèune d'auto mountagno trachis dins li pelouso e roucas. Èi gaire coumun au nostre e se pòu counfoundre emé d'àutri meno coume lou rapounchoun-redoun. Se li fueio basalo espatulado an souvènt despareigu à la flourido, lis autro soun primo e tóuti en long (fotò). Li bratèio soun en triangle.

Usanço :
Sèmblo que li rapounchoun soun tóuti manjadis, majamen li jóuini brout emai li racino poupouso cuecho.

Port : Erbo
Taio : 3 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Phyteuma
Famiho : Campanulaceae

Ordre : Asterales

Coulour de la flour : Bluio
Petalo : 5
Ø (o loungour) enflourejado : 1,5 cm
Flourido : Printèms - Estiéu

Sòu : Si
Autour basso e auto : 1600 à 3200 m
Aparado : Noun
Jun à avoust

Liò : Pelouso - Roucas - Champino
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Phyteuma hemisphaericum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis arvensis & Phyteuma hemisphaericum

Coumpara Te-vese-e-t'ame(-de-champ) emé uno autro planto

Coumpara Rapounchoun(-mita-redoun) emé uno autro planto